Dat Lauf dat föllt
de Hahnens kreiht
de Sommer is vörbi,
dann fierts an de Buorg ehr Schützenfest,
un alle sind debi

Schütterie is fein, dann freit sick Graut un Klein
dann dröft de Jungs met de Wichter gohn
doh kiünt se nicks dran dohn.

 
Acht Dag vörher, dann gift nen Fatt Beer
dann brengst dat Tog noh de Rohr
de Blagen laupte achterher
dat is von olls so Mor

 Schütterie is fein usw.

 Dann kümp dat Telt un wet upstellt
de Wichter makt et fin
nen Kiöningsdanz in blaude Ams
watt hept des Käls nen Splin

 Schütterie is fein usw.

 Biet Laube maken passert so faken
dat de Offizieren wät dick
dat sind ja ehre egne Saken
dat kümmert andere Lüh ja nich

 Schütterie is fein usw.

 So owends dann üm Uhr of acht
dann wett dat Wicht bestellt
ne Pull vull Söten in de Task
wat frog wie Käls noht Geld

 
Schütterie is fein usw.

 Dann kümp de Trumm un geiht Bum Bum
bliff kin olt Wif int Hus
no kikt es to wu de Benekes goht
Batteljonstambur vörup

 Schütterie is fein usw.

 In Schritt un Tritt geiht wieder dann
bess an de Vugelstang
de beste Mann de schött sodann
de Vugel van de Stang

 Schütterie is fein usw.

Bi Erlemann do hollt se an
dat Kiöningspaar te ehren
paar Pullen Wien de goht derup
de Kiöning will wpenderen

 Schütterie is fein usw.

 Upn Scholplatz wogt no Graut un Klein
dat Kiöningspaar te sein
de Fahnenschläges alle vär
Ii süllt den Schlag no sein

 
Schütterie is fein usw.

 
Bi Stermann geiht te wunderher
das Tanzbein wird geschwungen
de Polizie päss up zu sehr
dat nich zuviel getrunken.

 Schütterie is fein usw.

 Un is da fieren dan vörbi
dat Geld ist restlos up
dann seg wie us up Wiedersehn
goht ju gout bes nächstes Jahr.

 Schütterie is fein usw.